-1 бойдақ футболшы: Қазақстанның үздік ойыншыларының бірі сүйіктісіне ұсыныс жасады

Футболдан Қазақстан ұлттық құрамасының ойыншысы Ислам Чесноков сүйіктісіне үйленуге ұсыныс жасады, деп хабарлайды Sportinside.kz.

Бұл әсерлі сәттің видеолары әлеуметтік желілерде кеңінен таралып жатыр.

Ислам Чесноков биылғы маусымда Қазақстан Премьер-лигасында «Тобыл» сапында 14 матч өткізіп, 7 гол соғып, 3 нәтижелі пас берген.

Бұған дейін Самараның «Крылья Советов» клубы Қостанайлық «Тобылдың» көшбасшысын өз сапына қосуға шындап кіріскені хабарланған еді.

Сонымен қатар, британдық БАҚ-тың дерегінше, Өскемен тумасы Шотландияның «Хартс» клубымен алдын ала келісімшартқа қол қойған. Ол командаға 2026 жылдың басында қосылады деп жоспарлануда.