Сүйінші, ағайын! Әлемге әйгілі бүркітші қыз Айшолпан тұрмысқа шықты (ФОТО)

Әлемге танылған бүркітші қыз Айшолпан Нұрғайыпқызы тұрмысқа шыққанын жариялап, жұртшылыққа қуанышты жаңалық жеткізді, деп хабарлайды Sportinside.kz.

Айшолпан бұл қуанышты хабарды әлеуметтік желідегі парақшасында бөлісіп, өмірінің жаңа белесі басталғанын атап өтті. Желі қолданушылары жас жұбайларға жүрекжарды тілектерін жаудырып, құттықтауларын арнап жатыр.

Айта кетсек, Айшолпан Нұрғайыпқызы – Моңғолияның Баян-Өлгей аймағынан шыққан, қазақтың дәстүрлі бүркітшілік өнерін әлемге паш еткен тұлға. Оның өмірі арқау болған The Eagle Huntress деректі фильмі халықаралық деңгейде үлкен танымалдылыққа ие болып, Айшолпан есімін жаһанға әйгілеген еді.

Қазіргі таңда Айшолпан өзінің өмір жолын жалғастырып, жеке өміріндегі маңызды қуанышты оқиғасын көпшілікпен бөлісуді жөн көрді.