17 жастағы қазақ баласы Уимблдонда бұрын-соңды болмаған жетістікке жетті

Қазақстандық жас теннисші Әмір Омарханов Уимблдон турнирінің ширек финалына шықты, деп хабарлайды Sportinside.kz.

Ол бұл жетістікке ресейлік серіктесі Егор Плешивцевпен бірге қол жеткізді. Екі спортшы турнирдің екінші нөмірлі дуэті – Якопо Вазами мен Тимофей Дерепасконы сенімді түрде ұтып, 6:3, 6:2 есебімен жарыстан шығарды.

Ширек финалда Әмір мен Егор Криш Тьяги мен Доиг Коннор жұбына қарсы 10 шілдеде кортқа шығатын болады.

Айта кетейік, жарыста бақ сынаған қазақстандық тағы бір жұп – Заңғар Нұрланұлы мен Дамир Жалғасбай 1/8 финалда Джаггер Лич пен Оливер Бондингке 3:6, 6:4, 8:10 есебімен жеңіліп қалды.