Қазақстан әлде Өзбекстан: Eindhoven Box Cup турнирінде кім топ жарды? (видео)

Бокстан беделді халықаралық Eindhoven Box Cup турнирі өз мәресіне жетті. Бұл жолғы байрақты бәсеке Қазақстан мен Өзбекстан құрамалары арасындағы нағыз айқас алаңына айналды. Алайда финал нәтижелері бойынша Қазақстан ұлттық құрамасы турнирдің толыққанды фавориті екенін дәлелдеді. Бұл туралы Sportinside.kz хабарлайды.

Қазақстан құрамасы – бес алтын, сенімді басымдық

Қазақстан атынан сынға түскен 10 боксшының бесеуі финалға дейін жетіп, барлығы жеңіске жетті.
Чемпион атанғандар:

• 🥇 Даниял Сәбит – 50 кг
• 🥇 Абылайхан Жүсіпов – 70 кг
• 🥇 Ерасыл Жақпеков – 80 кг
• 🥇 Дәулет Төлемісов – 85 кг
• 🥇 Нұрлан Сапарбай – 90+ кг

Финалдық кездесулерде қазақстандықтар техника мен тактика жағынан үздік екенін анық көрсетті. Жекпе-жектерде қарсыластарға еш мүмкіндік қалдырмай, мықты дайындықтың жемісін көрсетті.

Өзбекстан құрамасы – үш боксшы, екі алтын

Үш-ақ спортшымен келген Өзбекстан құрамасы да жоғары нәтиже көрсетті. Екі боксшысы алтын жүлде иеленді:

• 🥇 Абдумалик Халоков – 60 кг
• 🥇 Турабек Хабибуллаев – 90 кг

Сапаға жұмыс істеген өзбек делегациясы аз құраммен келсе де, өз деңгейін жоғалтпады.