«Кейде ана болып та шаршайсың»: Төреғалидің қарындасы сырын айтам деп шынын айтып қойды

Танымал әнші Төреғали Төреәлінің қарындасы, блогер Дина Төреәлі әлеуметтік желідегі жазбасында ана болудың жауапкершілігі мен өмірдің шынайы сәттері жайлы бөлісіп, көпшілікті терең ойға қалдырды.

Ол ата-анасының қасында өткізген уақыттың қадірін айтып, Алматыға келіп, өзіне демеу тапқанын жеткізді.

«Жер бетіндегі кез келген адам үшін ата-анасының жанындағы шақ – ең бақытты сәт. Бұл пікірмен ешкім де дауласпайтын шығар. Алматыға ата-анамның жанына келіп, өзімді қайта тапқандаймын. Көңілім жиі босап кетеді. Маған да ана керек, жылулық пен қолдау керек. Кейде өзің ана болсаң да, шаршайсың», – деп ағынан жарылды блогер.

Дина бойдақ кездерін еске алып, аз да болса тынығып, қайта күш жинап жатқанын да атап өтті.

«Әйел заты – нәзік, бірақ жүрегімен мықты. Қазіргі заманда әйелдер әрі ана, әрі жар, әрі табысты маман. Ақша табасың, баланы бағып-қағасың, тіпті бірнеше жұмысты қатар алып жүресің. Бұл – қазіргі қыз-келіншектердің шындығы», – деп жазды ол.