«Түн ішінде салют атып, елді шошытты»: Абай Бегейдің әйелі көршілерінің мазасын алды (ВИДЕО)

Эстрада әншісі Абай Бегейдің жары Фариза туған күнін жақындарымен атап өтіп, әлеуметтік желіде қуанышымен бөлісті.

«Бүгін дүние есігін ашқан күнім. Жаңа жасым берекемен келсін. Жақындарым жанымда – менен асқан бақытты адам жоқ», – деп жазды ол жеке парақшасында.

Алайда бұл кеш барлық көршілер үшін қуанышқа толы болмады. Әлеуметтік желіде Ақтаудағы көршілердің бірі түн ішінде атылған салют пен қатты дыбыстан шошынғанын жазып, наразылық білдірді:

«Туған күніңізбен! Бірақ түнгі 00:00-де қатты ән қойып, салют атуды тоқтатсаңыздар екен. Балам шошып, бір сағат бойы жылады. Біз сіздердің тура көршілеріңізбіз», – деп пікір қалдырды желі қолданушысы.