Бокстан Қазақстан құрамасының мүшесі Махмұд Сабырхан Астанада өтіп жатқан World Boxing Әлем кубогының кезеңіндегі алғашқы жекпе-жегін өткізді, деп хабарлайды Sportinside.kz.
55 кг дейінгі салмақ дәрежесінде өнер көрсететін Махмұд Сабырхан алғашқы жекпе-жегінде Оңтүстікт Корея боксшысы Чжэен Шинмен кездесті. Бұл жекпе-жекте қазақстандық боксшы айқын басымдықпен жеңіске жетті.
Сондай-ақ бүгін 54 келіге дейінгі салмақ дәрежесінде 1/8 финал кезеңінде шаршы алаңға шыққан Әнел Сақыш Өзбекстан елінің өкілі Феруза Казаковадан жеңіліп қалды.
Айта кетейік, Астанада өтіп жатқан Әлем кубогы 6 шілдеге дейін өз жалғасын табады.