UFC турнирі: Азат Мақсұм – Тагир Уланбеков жекпе-жегін қайдан көруге болады?

Бүгін, 21 маусымда Әзірбайжан астанасы Бакуде алғаш рет UFC турнирі өтеді. Бұл – тарихта тұңғыш рет Әзербайжанда ұйымдастырылып отырған UFC кеші. Sportinside.kz тілшісі жекпе-жектерді қайдан және қалай көруге болатынын хабарлады.

Турнир қашан басталады?

• Бастапқы кард: Астана уақыты бойынша 21:00-де басталады;
• Негізгі кард: Түнгі 00:00-де.

Жалпы, турнир аясында 12 жекпе-жек өтеді.

Бұл турнирде Қазақстан намысын жеңіл салмақтағы жауынгер Азат Мақсұм (15-1) қорғайды. Ол бұл турнирде Хабиб Нурмагомедовтің командаласы ресейлік Тагир Уланбековпен (16-2) кездеседі.

Турнирдің негізгі кестесі бойынша Азат Мақсұм – Тагир Уланбеков арасындағы жекпе-жек екінші болады. Жоспар бойынша бұл айқас Астана уақыты бойынша шамамен 21:30-да басталады.

Жекпе-жекті қайдан көруге болады?

Бұл турнирді төмендегі платформалардан көруге болады:

• UFC Fight Pass – ресми қосымша (ақылы жазылым);
• "Матч ТВ";
• "Матч! Боец";
• Setanta Sports мобильді қосымшасы;
• Setanta Sports 2 телеарнасы;
• "Кинопоиск" қосымшасының "Спорт" бөлімі.