«Келмей жатып төрге шығып алған»: Сәкен Майғазиевтің жас келіні тағы сынға ұшырады

Танымал әнші Сәкен Майғазиевтің отбасындағы қуаныш тағы да желі қолданушыларының қызу талқысына түсті. Бұл жолы сынның астында қалған – өнер иесінің жаңа түскен келіні.

Әжесінен жоғары отырғаны жұртқа жақпады

Шымкент қаласында өткен жиында Сәкен Майғазиевтің келіні үлкендердің батасын алуға келген. Алайда әлеуметтік желіге тараған бейнежазбадан кейін келінге қатысты түрлі пікірлер жазыла бастады. Видеода келіннің төр жақта, үлкен әжеден биік орынға жайғасқаны байқалады. Бұл әрекеті кей көрермендерге ұнамай қалды.

"Төрге жайғасып алғаны дұрыс па?" – халық пікірі қақ жарылды

Пікір білдірушілердің басым бөлігі қазақы тәрбие мен жөн-жоралғыға сілтеме жасай отырып, жаңа түскен келіннің үлкендердің алдын кесіп, төрге шығуын әдепсіздікке балады. «Келе салып төрге шығыпты ғой», «Әжеден жоғары отырғаны несі?», «Бұл – үлкенге құрметсіздік» деген секілді пікірлер жиі жазылды.