"1380 теңгеден жинаймыз": Нұрлан Қоянбаев ерекше бизнес түрін айтып, үндеу жасады (видео)

Белгілі шоумен, продюсер әрі актер Нұрлан Қоянбаев желіде кезекті қалжыңымен жұрт назарын өзіне аударды. Instagram парақшасында Мальдив аралын сатып алу үшін халықтан 1 380 теңгеден жинамақ ниетін білдіріп, күлкілі үндеу жасады.

«Мальдивте бір кішкентай арал 2-3 миллион доллар тұрады екен. 1000-1280-1380 теңгеден жинап сатып аламыз ба? Тыныш қана әлемдегі бүкіл пайдасы бар бизнесті сатып алу керек», – дейді Қоянбаев видео үндеуінде.

Халық қалжыңды шын қабылдады ма?

Нұрланның бұл сөзі әлеуметтік желі қолданушыларының қызу пікірін тудырды. Әзіл аралас айтылған идеяны желі қолданушылары іліп әкетіп, түрліше реакция білдірді:

«Мен тізім жасайын, кім берді, кім берген жоқ, есебін жариялап отырамын»

«Бастайық, мен 1 миллион тастаймын»

«1 380 теңге қайдан шыққан баға?»

«Нұреке, аралды алып қойып, ақырын ғана ойнатып жатырсыз-ау»