Ақтаудың орталық көшелеріне 19 мың шаршы метр асфальт төселді

Ақтауда жол қауіпсіздігін күшейту және көлік қозғалысын реттеу бағытында ауқымды жұмыстар атқарылды. Бұл туралы қала әкімі Әбілқайыр Байпақов есеп беру кезінде хабарлады.

Әкімнің дерегінше, 2025 жылы автожолдардағы 9 772 шаршы метр жолақ суық пластикпен, ал 1 500 шаршы метр жол таңбасы термопластикпен жаңартылған. Мұндай материалдар жол белгілерінің ұзақ мерзім сақталуына мүмкіндік береді.

Сонымен қатар, жыл басынан бері 18 719 м² шұңқырлы жол жөндеу жұмыстары жүргізіліп, қала көшелерінің сапасы айтарлықтай жақсарды.

Биыл 16 нүктеге жаңа бағдаршам орнатылып, олар кезең-кезеңімен іске қосылып жатыр. Оның ішінде 6 бағдаршам жаяу жүргіншілер өткеліне, 10 бағдаршам жол қиылыстарына қойылды.

Ақтау қаласы әкімдігінің баспасөз қызметі.