Қазақ боксшыларының әлем чемпионатындағы алғашқы қарсыластары анықталды

3-13 желтоқсан күндері Дубайда (БАӘ) өтетін IBA ұйымының ерлер арасындағы әлем чемпионатының жеребе тарту рәсімі өтті, деп хабарлайды Sportinside.kz.

Қазақстан құрамасы дәстүр бойынша барлық 13 салмақ дәрежесінде қатысады. Төменде ұлттық құраманың қарсыластары мен ықтимал жекпе-жектері көрсетілген:

48 кг (22 боксшы). Теміртас Жүсіпов: 
– 1/8 финалда Гаурав Соланки (Үндістан) – Али Нгванда (Танзания) жұбының жеңімпазымен кездеседі.
– Жартылай финалда ең қиын қарсылас – әлем чемпионатының қола жүлдегері Эдмонд Худоян (Ресей).

51 кг (27 боксшы). Даниал Сәбит – 1/16 финал
– Майна (Кения).
– Ширек финалда Париж Олимпиадасының 1/4 финалисі Патрик Чиниемба (Замбия) қарсылас болуы мүмкін.

54 кг (34 боксшы). Сәкен Бибосынов – 1/16 финал
– Кеорапетц (Ботсвана).

57 кг (33 боксшы). Оразбек Асылқұлов – 1/16 финал
– Джозеф Кваджо (Фиджи) – Сачес Да Силва (Кабо-Верде) жұбының жеңімпазы.

60 кг (42 боксшы). Серік Теміржанов – 1/16 финал
– Әлем чемпионатының қола жүлдегері Цэндбаатар Эрдэнэбат (Моңғолия).

63,5 кг (38 боксшы). Ертуған Зейнуллинов – 1/16 финал
– Мичелл Лидерман (Австралия) – Даваадалай Алтангерел (Моңғолия) жұбының жеңімпазы.

67 кг (38 боксшы). Санатәлі Төлтаев – 1/16 финал
– Гералд Кабинда (Замбия).
– 1/8 финалда Бразилия өкілімен, ал ширек финалда Олимпиада чемпионы Асахуджа Муйдинхуджаевпен (Өзбекстан) кездесуі мүмкін.

71 кг (36 боксшы). Абылайхан Жүсіпов – 1/16 финал
– Артём Арутюнян (Рио Олимпиадасының қола жүлдегері, Армения) – Цаесар (Индонезия) жұбының жеңімпазы.

75 кг (42 боксшы). Сабыржан Аққалықов – 1/16 финал
– Касилилика (Танзания) – Коусин (Сейшел аралдары) жұбының жеңімпазы.

80 кг (39 боксшы). Ерасыл Жақпеков – 1/16 финал
– Зоуграна (Бурунди).

86 кг (26 боксшы). Дәулет Төлемісов – 1/16 финал
– Батагело Соуза Рамон (Бразилия).
– 1/8 финалда әлем чемпионы Акмалжон Исроилов (Өзбекстан), ширек финалда Шарапутдин Атаев (Ресей) қарсылас болуы ықтимал.

92 кг (27 боксшы). Нурмагамед Юсупов – 1/16 финал
– Жафоев (Тәжікстан).
– 1/8 финалда Париж Олимпиадасының қола жүлдегері Энмануэль Рейес (Испания) күтіп тұр.

+92 кг (27 боксшы). Нұрлан Сапарбай – 1/8 финал
– Ирандық боксшылар Иман Рамезанпоур Делвар – Есмаели Вандаеж жұбының жеңімпазымен кездеседі.
– 1/4 финалда әлем чемпионатының күміс жүлдегері Давид Чалоян (Армения) қарсылас болуы мүмкін.

Айта кетейік, биылғы дүбірлі додаға 108 елден 428 боксшы тіркелді.