Оралбай мен Сабырхан қалыс қалды: Әлем чемпионатына баратын құрам жасақталды

Қазақстанның ерлер құрамасы Дубайда өтетін бокстан әлем чемпионатына қатысатын спортшылар тізімін жариялады, деп хабарлайды Sportinside.kz.

Команданы бас жаттықтырушы Қайрат Сәтжанов бастап барады. Ташкенттегі бірлескен оқу-жаттығу жиынын аяқтаған боксшылар жуырда Дубайға аттанады.

Қазақстан құрамасының толық құрамы:

• 48 кг: Теміртас Жүсіпов
• 51 кг: Даниял Сәбит
• 54 кг: Сәкен Бибосынов
• 57 кг: Оразбек Асылқұлов
• 60 кг: Серік Теміржанов
• 63,5 кг: Ертуған Зейнулинов
• 67 кг: Санатәлі Төлтаев
• 71 кг: Абылайхан Жүсіпов
• 75 кг: Сабыржан Аққалықов
• 81 кг: Ерасыл Жақпеков
• 86 кг: Дәулет Төлемісов
• 92 кг: Нұрмагамед Юсупов
• +92 кг: Нұрлан Сапарбай

Халықаралық бокс қауымдастығы (IBA) ұйымдастыратын бұл дүбірлі дода тарихтағы ең ірі жүлде қорымен ерекшеленеді. Әлем чемпионы атанған боксшыға 300 мың доллар табысталады.