"Шерзатты өлтірген адам басқа, балалар кінәні мойнына алып отыр": ата-аналар сот шешіміне қарсы шықты

2025 жылғы маусымда 16 жастағы Шерзат Полаттың өліміне байланысты атышулы қылмыстық іс бойынша сот процесі аяқталып, 1,6 жылдан 23 жылға дейін бас бостандығынан айыру жазасы тағайындалды. Сонымен қатар сот 9 сотталушыдан жәбірленуші тараптың пайдасына 120 миллион теңге көлемінде моральдық өтемақы өндіріп беру туралы шешім шығарды.

Алайда марқұм болғандардың бірі – Нұрқияс Ілиясовтың әкесі Төлетбек Ілиясов бұл сот үкіміне үзілді-кесілді қарсы.

YouTube желісіндегі «Ел дауысы» арнасына берген сұхбатында ол былай деді:

«Шерзатты өлтірген адам олардың арасында жоқ. Бірақ кінәні солар мойнына алып отыр. Меніңше, жағдай осылай болып тұр. 9 жыл деген – өте ауыр жаза. Оңай емес. 5-6 жыл болса да жарар еді. Апелляцияға береміз. Ал енді 120 миллион өтемақыны қайдан қайтарамыз? Біз айына 500-600 мың табатындар емеспіз. Айлығымыз 80-85 мың теңге. Өзім күзетте істеймін, 85 мың аламын», – деді ол ашынған көңілмен.