Өнер әлемі қара жамылды: Елге танымал музыкант дүниеден өтті (ФОТО)

Мәскеуде "Геликон-опера" театрының оркестр музыканты, белгілі скрипкашы Николай Жеренков дүниеден өтті. Бұл туралы театрдың Telegram-каналында хабарланды.

"Тағы да орны толмас қайғыға ұшырадық… Театрдың ең тәжірибелі қызметкері, оркестр артисі, сахна шебері Николай Гавриилович Жеренков өмірден озды", – делінген хабарламада.

Театр ұжымы Жеренковтың есімі "Геликон-операның" тарихымен тығыз байланысты екенін атап өтті.

"Николай Гавриилович біздің труппаның негізін қалаған кезеңде қатарымызда болды, көп жыл бойы бірінші скрипкалар тобында еңбек етті. Ол оркестр дәстүрлерінің сақтаушысы, кәсібиліктің үлгісі және бірнеше буын музыканттарына үлгі-өнеге болған ерекше ұстаз еді. Оның еңбекқорлығы, театрға адалдығы және музыкаға деген кіршіксіз махаббаты бәріміз үшін өнеге болды", – деп жазды театр басшылығы.

Сонымен қатар, театр ұжымы марқұмның туған-туыстарына көңіл айтты.