Мектептегі 35 жастағы мұғалім өзінің оқушысынан жүкті болып қалды

Жаңа Зеландияда ерекше жағдай тіркелді – мұғалім өз оқушысынан жүкті болып, педагогикалық қызметінен шеттетілді. Бұл туралы NZ Herald басылымы хабарлады.

Ақпаратқа сәйкес, әйел медициналық қиындықтары бар және құқық бұзған жасөспірімдер оқитын мектепте сабақ берген.

Қамқоршыдан – романтикалық қарым-қатынасқа

35 жастағы мұғалім 17 жастағы оқушыға ерекше көңіл бөліп, оны қолдауға тырысқан. Кейін ол жасөспірімге ресми түрде қамқоршы болып бекітіледі. Осыдан кейін жасөспірім кепілмен босатылып, мұғалімнің үйіне көшіп барған.

Бірнеше айдан соң екеуінің арасында романтикалық қарым-қатынас орнап, әйел оқушысынан жүкті болған. Бұл кезде жасөспірім әлі кәмелет жасына толмаған еді.

Әшкере болған жағдай

Кейін жасөспірім кәмелетке толмаған құқық бұзушыларға арналған арнайы орталыққа ауыстырылған. Мұғалім оны іздеп барған кезде олардың арасындағы байланыс белгілі болып, жағдай көпшіліктің назарына түскен.

Мектеп әкімшілігі оқиғаны мұғалімдерге арналған тәртіптік трибуналға хабарлаған. Тергеу нәтижесінде әйелдің қамқоршылық жағдайын пайдаланып, оқушымен жеке қатынас орнатқаны анықталған.

Мұғалімдік қызметтен айырылды

Трибунал бұл әрекетті тәртіптік және кәсіби этикаға сай емес деп танып, мұғалімді педагог ретінде тіркеуден шығарды.

Құжаттарда олардың қарым-қатынасы ресми шаралардан кейін де жалғасып жатқаны атап өтілген.