Футбол
Еуропа лигасы
Чемпиондар лигасы
Бокс
MMA
Хоккей
Теннис
Күрес
Спорт
фото: Mikey Williams/Top Rank Inc via Getty Images. Суретте: Жәнібек Әлімханұлы
Абсолютті әлем чемпионы Теренс Кроуфорд қазақ боксшысы Жәнібек Әлімханұлына сәттілік тілеп, оның жекпе-жектерін қадағалап жүргенін айтты, деп хабарлайды Sportinside.kz.
Жәнібек Әлімханұлының әлеуметтік желідегі парақшасында оның менеджері Эгис Климас пен Кроуфорд арасындағы бейнежазба жарияланған. Онда америкалық чемпион қысқаша былай дейді:
"Сені бақылап жүрмін, Жәнібек. Сәттілік!"
Бұған дейін Теренс Кроуфорд мансабын жалғастырудың бір нұсқасы ретінде орта салмақта жұдырықтасуды қарастырып жүргенін мәлімдеген еді.
Бұл салмақта чемпиондық белбеулердің басым бөлігі Жәнібек Әлімханұлының қолында – ол WBO және IBF нұсқалары бойынша әлем чемпионы. Сондай-ақ осы дивизионда доминикандық Карлос Адамес пен кубалық Эрисланди Лара да бар.
Жәнібек Әлімханұлының келесі жекпе-жегі биыл 6 желтоқсанда АҚШ-тағы Сан-Антонио қаласында өтеді. Ол Frost Bank Center аренасында кубалық 42 жастағы Эрисланди Ларамен күш сынасады. Бұл кездесудің жеңімпазы бірден үш чемпиондық белбеуді – WBA, WBO және IBF атақтарын иеленеді.
