17 жастағы қазақ баласы бұрын-соңды болмаған жетістігіне қол жеткізді

ATP (Кәсіпқой теннисшілер қауымдастығы) Қазақстанның үздік теннисшілерінің жаңартылған рейтингін жариялады, деп хабарлайды Sportinside.kz.

17 жастағы қазақстандық жас теннисші Амир Омарханов әлемдік рейтингте бірден жеті сатыға көтеріліп, 915-орынды иеленді. Бұл – Омархановтың кәсіби мансабындағы ең жоғары көрсеткіш. Жас спортшының үздіксіз дамып келе жатқанын көрсететін бұл нәтиже – болашағынан үлкен үміт күттіретін жетістік.

Амирдің соңғы жарысы – Италияда өткен ITF M15 турнирі. Бұдан бөлек, ол Парижде өткен жасөспірімдер арасындағы Ролан Гаррос турниріне де қатысты.

Сондай-ақ рейтингте бірқатар танымал қазақстандық теннисшілер де өз позицияларын жақсартты. Атап айтқанда:

• Александр Шевченко ATP рейтингінде қайтадан ТОП-100 қатарына еніп, қазіргі таңда 97-орынды иеленіп отыр;
• Бейбіт Жукаев та өз көрсеткішін жақсартып, 244-орынға тұрақтады.