"12 жылдан кейін бұйырды": Танымал актриса сүйінші жаңалығын айтты

Танымал актриса Альмира Тұрсын көпшілікті қуантқан жаңалығын жариялады, деп хабарлайды ozgeris.info.

Өнер иесі 12 жылдан кейін қайтадан ана атанатынын айтып, бұл сәтті өзінің ең үлкен бақыты ретінде бағалады.

"Толқу мен қуанышпен сіздермен бақытты жаңалығымды бөліскім келеді! 12 жылдан кейін қайтадан ана болуға дайындалып жүрмін! Бұл ғажайып пен қуаныш үшін Құдайға мадақ және шексіз алғыс!" – деп жазды актриса.

Сондай-ақ Альмира Тұрсын көпшіліктің сұрағына алдын ала жауап беріп, өзінің отбасылы екенін және үлкен, тату жанұяда өмір сүріп жатқанын айтты.

"Сұрақтарыңыз бен қызығушылығыңызды алдын ала біліп, бірден айтайын: мен көптен бері тұрмыстамын, үлкен отбасымызбен бірге өмір сүріп жатырмыз – оның, менің және ортақ балаларымызбен. Бұдан әрі егжей-тегжейлі айтпай-ақ қояйын, себебі жеке өмірімді қымбат көремін, өйткені мен "бақыт тыныштықты сүйеді" дегенге сенемін", – деп жазды ол.