Дастан мен Шерханның орнына құрамаға танымал блогердің күйеуін алды

Талдықорғандық "Жетісу" командасының қорғаушысы Дінмұхаммед Қашкен 2026 жылғы әлем чемпионатының іріктеу кезеңі аясындағы ойындарға Қазақстан ұлттық құрамасына шақырылды, деп хабарлайды Sportinside.kz.

Биылғы маусымда Қашкен "Жетісу" сапында 11 матчқа қатысып, 1 гол соғып және 5 сары қағаз алған. Өткен демалыс күндері ол алматылық "Қайратқа" қарсы толық матч өткізді, алайда ойын 0:5 есебімен аяқталған еді.

Қорғаушы Қашкенмен бірге құраманың соңғы тізіміне тағы екі ойыншы – Сағи Совет ("Жеңіс") пен Арсен Әшірбек ("Оқжетпес") енгізілді. Айта кетерлігі, бұл үш футболшы да бұған дейінгі кеңейтілген тізімде болмаған.

Сонымен қатар, ұлттық құраманың қазіргі шақырылымында "Қайраттың" тек бір ғана ойыншысы – Дамир Қасаболат бар. Ол да өз клубының негізгі құрамында тұрақты түрде шықпайды.