Шерхан Қалмұрзаның анасы туған күніне ерекше сыйлық алды (ВИДЕО)

Бүгін жас қақпашы Шерхан Қалмұрзаның анасы – Сәуле Рабаев туған күнін атап өтуде, деп хабарлайды Sportinside.kz. 

Осыған орай "Romantic" дүкені қақпашының анасына арнап гүл сыйлады.

"Туған күніңізбен, Шерханның анасы! Сізге зор денсаулық, ұзақ ғұмыр, мол бақыт пен отбасылық береке тілейміз. Еліміздің мақтанышы, нағыз талантты ұлды тәрбиелеп өсіргеніңіз үшін үлкен рақмет!" – делінген құттықтау тілекте.

Жанкүйерлердің айтуынша, Шерханның табандылығы мен қарапайым мінезі – ана тәрбиесінің жемісі. Оның жетістігі артында аналық мейірім мен сенімнің үлкен күші жатыр.