Ұлттық құрама бокстағы "әділетсіздіктен" кейін ауыр хабарды естіді

Кей қазақ боксшылары әлем чемпионатының ширек финалдық жекпе-жектерінде қазақ жанкүйерлерін қуанта алмады, деп хабарлайды Sportinside.kz.

Екі жекпе-жектің нәтижесі отандық сарапшылар мен жанкүйерлер арасында көптеген сұрақ туғызды. Карина Ибрагимова екі раундтан кейін Париж Олимпиадасының күміс жүлдегері Юлия Шереметадан екі төрешінің картасында алда келе жатқан еді (тағы үш арбитр 19:19 деп есептеді). Алайда соңғы раундтағы тең дәрежедегі тартысқа қарамастан, ол 0:5 есебімен жеңіліп, медальсіз қалды.

Ертуған Зейнуллинов Олимпиада чемпионы деген атағы бар өзбек Асадхуджа Муйдинхуджаевқа қарсы өте мықты жекпе-жек өткізді. Қазақ боксшысы көптеген ауыр соққы дарытты, ал қарсыласы бірнеше рет ауызша ескерту алып, ережеге сәйкес келмейтін әрекеттерімен көзге түсті. Дегенмен рефери өзбек боксшысының ережені үнемі бұзғанына қарамастан, ескерту жасамады, ал бес төреші жеңісті титулды боксшыға айқын басымдықпен берді.

Өкінішке қарай, Қазақстан бұл шешімдерді өзгерте алмайды: нәтижелерді қайта қарауға да, атышулы төрешілер мен рефериді шеттетуге де мүмкіндік жоқ. Себебі World Boxing ережелеріне сәйкес, командаларға турнир жеребесі алдында жарияланғандай, шағым түсіруге тыйым салынған. Сондықтан нәтижені сол күйінде қабылдауға тура келеді. Бұл – біздің құрама үшін өте ауыр жаңалық. Тіпті бұл әлем чемпионатында қазақ боксшыларына тұсау салу мұнымен аяқталмайтын да секілді.

Осылайша, Қазақстан бокс федерациясының қолы іс жүзінде "байлаулы". Әрине, World Boxing комиссияларының біріне мүше саналатын Ұлттық Олимпиада комитетінің президенті Геннадий Головкин бұл жағдайға қатысты салмақты сөз айтуы мүмкін. Бірақ әзірге ол біздің боксшыларға жасалған "әділетсіздікті" жария түрде пікір білдірген жоқ.