Бір қадам қалды: Қазақ боксшылары жартылай финалда кімдермен айқасады?

World Boxing ұйымының әлем чемпионатында (Ливерпуль, Англия) Қазақстаннан сегіз боксшы жартылай финалға жолдама алды, деп хабарлайды Sportinside.kz.

Олардың қарсыластары мен жекпе-жек кестесі (уақыт – Астана уақыты бойынша):

12 қыркүйек

• 19:00. Әйелдер, 60 кг, жартылай финал. Виктория Графеева – Ребека де Лима Сантос (Бразилия);
• 22:30. Әйелдер, 65 кг, жартылай финал. Аида Әбікеева – Грэйнн Мэри Уолш (Ирландия);
• 23:15. Әйелдер, +80 кг, жартылай финал. Елдана Тәліпова – Агата Качмарска (Польша);
• 01:15. Ерлер, +90 кг, жартылай финал. Айбек Оралбай – Хулио Сезар ла Крус (Куба).

13 қыркүйек

• 18:00. Ерлер, 55 кг, жартылай финал. Махмұд Сабырхан – Лю Чуан (Қытай);
• 22:15. Әйелдер, 51 кг, жартылай финал. Алуа Балқыбекова – Ци Синью (Қытай);
• 22:45. Ерлер, 70 кг, жартылай финал. Төрехан Сабырхан – Одель Камара (Англия);
• 23:15. Әйелдер, 70 кг, жартылай финал. Наталья Богданова – Шантель Рид (Англия).

Айта кетейік, тағы екі қазақстандық боксшы ширек финалда өнер көрсетеді: 12 қыркүйекте Назым Қызайбай (48 кг) мен Санжар Тәшкенбай (50 кг) рингке шығады.