"Ата болмадым, жастар асықпайды екен": Танымал актер іштегі өкінішін айтты

Актер Рахман Омар журналист Анна Данченкоға берген сұхбатында өміріндегі ең үлкен өкінішін ашық айтты, деп жазады ozgeris.info.

Өнер иесі екі рет некеде болғанын жасырмады.

"Бір өкінішім – бірінші некеден туған балаларым мен екінші некеден туған балаларым бір-бірімен араласпайды. Бірақ менімен араласуға қарсы емес. Балалықтан туған эгоизм бар шығар, қызғаныш та жоқ емес. "Араласпай-ақ қояйықшы" дейді. Уақыт қажет. Өзім асабамын, талай той басқардым. Біз сияқты араласпай жүріп, кейін қайта табысқан талай отбасын білемін. Сондықтан үмітімді үзбеймін. Құдай қаласа, ол күнге де жетерміз", – деді актер.

Сондай-ақ ол тұңғышының шаңырақ көтергенін де тілге тиек етті.

"Үлкенім 28-де, екіншісі 25 жаста. Одан кейінгі ұлым 10-сыныпқа өтті. Жалпы 5 ұлым, бір қызым бар. Алты баланың әкесімін. Тұңғыш ұлым үйленді. Қайын ата атанып үлгердім, бірақ әзірге ата бола қойған жоқпын. Жастар асықпайды екен. Өздерінің философиясы бар сияқты", – деп таңданысын жасырмады Рахман Омар.