Қазақстан әлде Өзбекстан? Орталық Азиядағы футбол державасы анықталды

Британдық FourFourTwo.com басылымының тілшілері Алматыда өткен "Қайрат" пен Люблянаның "Олимпиясы" арасындағы Чемпиондар лигасы іріктеу матчын тамашалап, Қазақстан мен көршілес Өзбекстан футболының даму деңгейін салыстырды, деп хабарлайды Sportinside.kz.

"Қазақстан – Орталық Азиядағы ең үлкен мемлекет әрі әлем бойынша көлемі жөнінен тоғызыншы ел. Алайда 20 миллион халқы бар Қазақстанның тұрғындары саны Өзбекстаннан екі есе аз. Өзбекстан көршілерінің УЕФА-ға өткеніне дейін-ақ аймақтағы басты футбол державасы саналып келген. Биыл жазда олар 2026 жылғы әлем чемпионатына жолдама алды. Орталық Азия бұл додаға бұрын-соңды қатыспаған. Дегенмен біз Алматыдағы Орталық стадионға келген сәттен-ақ аймақта бокс сияқты жекпе-жек спорттары кең таралғанына қарамастан, футболға деген құштарлықтың кем түспейтінін байқадық", – делінген мақалада.