Қазақ баласы халықаралық жарыста тарих жасап, чемпион атанды

Қазақстандық спортшы Ришат Хайбуллин Алматыда өткен Азия кубогы кезеңінде жеңіске жетті, деп хабарлайды Sportinside.kz.

Ол спорттық құзға өрмелеуден "жылдамдық" санатында ең үздік атанып, финалда жапондық Цукики Онишиден басым түсті. Ал үшінші орынды тағы бір жапон спортшысы Рё Омаса иеленді.

Әйелдер арасында Анна Баларшина топ жарып, финалда отандасы Тамара Улжабаеваны артта қалдырды. Үшінші орынға қазақстандық Аделия Утешева көтерілді.