Кениялық қыз Қазақстанға халықаралық жарыстың күміс жүлдесін сыйлады

Жеңіл атлетикадан Қазақстан құрамасының мүшесі Нора Джеруто Бриллиант лигасының кезеңінде күміс жүлдегер атанды, деп хабарлайды Sportinside.kz.

Аталмыш жарыс Швейцарияның Цюрих қаласында болды.

Нора Джеруто 3000 метрге тосқауылдар арқылы жүгіру сайысында мәреге екінші болып жетті. Оның көрсеткіші – 9 минут 10,87 секунд.

Осы нәтижесінің арқасында 29 жастағы спортшы әлем чемпионатына (Токио) қатысу нормативін орындады.

Жарыстың жеңімпазы кениялық Фейт Черотич болды – ол қашықтықты 8 минут 57,24 секундта жүгіріп өтті.

Үздік үштікті Тунис өкілі Марва Бузаяни қорытындылады. Оның уақыты – 9 минут 12,03 секунд.