600 мың теңгеден басталады: "Қайрат" – "Реал" матчының билетін қайдан алуға болады?

Алматылық "Қайрат" пен мадридтік "Реал" арасындағы көптен күткен кездесу Алматыда 30 қыркүйекте өтеді. Орталық стадионда болатын тарихи матч сағат 21:45-те басталады, деп хабарлайды Sportinside.kz.

Әзірге қос клубтың ресми сайттарында билеттердің сатылымға шыққаны туралы ақпарат жоқ. Дегенмен желіде түрлі хабарлар тарап жатыр. Сарапшылар жанкүйерлерді алаяқтарға алданып қалмау үшін тек ресми көздерді пайдалануға шақырады:

• Qairat SuperApp қосымшасы;
• "Қайрат" ФК ресми сайтының "Билеттер" бөлімі;
• Freedom SuperApp ("Билеттер" бөлімі);
• Ticketon платформасы.

Басылым мәліметінше, билеттерді сату басталған кезде виртуалды кезек іске қосылады, ал орындар тез таусылады. Сол себепті билет алу үшін жедел әрекет етуге тура келеді. Сатылым тек онлайн жүргізіледі, билеттер электронды түрде беріледі.

Бағаға келсек, ең арзан билет шамамен 3000 теңгеден басталады. Алайда "Реалға" қарсы ойында баға әдеттегіден қымбат болуы мүмкін. Ticketkosta дерегінше, 6-7-санаттағы билеттердің құны 1250-1500 доллар (шамамен 680-808 мың теңге) көлемінде болмақ. Ал жоғары санаттағы және VIP билеттердің бағасы кейінірек жарияланады.