Жәнібек Әлімханұлы бокстағы ең бай адамға қарсы үндеу жасады

WBO және IBF нұсқасы бойынша орта салмақтағы әлем чемпионы Жәнібек Әлімханұлы WBC белбеуінің иегері Карлос Адамеспен жұдырықтасу мәселесіне байланысты Сауд Арабиясы ойын-сауық істері басқармасының төрағасы Турки әл-Шейхке жүгінді, деп хабарлайды Sportinside.kz.

Қазақ боксшысы доминикандық қарсыласымен кез келген уақытта кездесуге дайын екенін еске салды.

«Турки, бауырым, Жәнібек пен Адаместің жекпе-жегін 22 қарашаға ұйымдастырайық», — деп жазды «Kazakh Style» өзінің Х-тегі парақшасында.

Бұған дейін Турки әл-Шейх қараша айында Әлімханұлы мен Адамес арасында кездесу өткізуді ұсынғанын, алайда қарсы тараптан нақты жауап болмаған соң, ұсынысын кері қайтарғанын айтқан еді.

Айта кетейік, жуырда Boxing News журналы саудиялық инвесторды қазіргі кәсіби бокстағы ең ықпалды адам деп таныған.