Қазақстандық теннисші Америкадағы жарыста тосын нәтижеге қол жеткізді

Қазақстанның бірінші ракеткасы Александр Бублик АҚШ ашық чемпионаты – 2025 турнирінде жұптық сындағы жарысты аяқтады, деп хабарлайды Sportinside.kz.

Әлемдік рейтингте 24-орында тұрған Бублик бұл турнирде бразилиялық әріптесі Марсело Демолинермен жұптасып өнер көрсетті.

Бірінші айналымда олар бразилиялық Фернандо Ромболи мен австралиялық Джон-Патрик Смитке қарсы кездесу өткізді. Кездесу екі сетке ғана созылып, Бублик пен Демолинер 3:6, 2:6 есебімен ұтылды.

Ойын 1 сағат 8 минутқа созылды. Осы уақыт ішінде қазақстандық-бразилиялық жұп төрт эйс жасап, дәл сондай төрт қосар қателік жіберді. Сондай-ақ үш брейк-пойнттың бірде-бірін жүзеге асыра алмады.

Айта кетейік, Александр Бублик US Open турнирінде жекелей сында өнерін жалғастыруда. Ол алғашқы екі кездесуде қарсыластарына бірде-бір сет бермей, үшінші айналымға жолдама алды.