Жаны жәннатта болсын: Елге танымал журналист, тележүргізуші көз жұмды (ФОТО)

Белгілі ресейлік журналист, «Вести» бағдарламасының бұрынғы жүргізушісі Юрий Ростов АҚШ-та дүниеден озды.

Бұл суыт жаңалықты продюсер Михаил Дегтярь растады. Оның айтуынша, Ростовтың қазасы жайлы ақпаратты АҚШ-тағы әріптестері жеткізген. Өлімнің нақты себебі әзірге жария етілген жоқ.

Юрий Ростов «Вести» жаңалықтар қызметіне 1991 жылдың мамырында «Бірінші арнаның» ТСН бағдарламасынан ауысып келген. Ол эфирге алғашқы жүргізушілердің бірі ретінде Светлана Сорокинамен бірге шыққан еді.

1993 жылы журналист Америкаға қоныс аударып, Нью-Йорктегі орыстілді телеарнада жаңалықтар бөлімін басқарды. Кейіннен ұзақ жылдар бойы өзінің күнделікті «Мир сегодня» атты авторлық хабарын жүргізді.