Қомақты қаражат: "Барыстың" жаңа легионерлері қанша жалақы алатыны белгілі болды

Астаналық "Барыстың" шетелдік жаңа ойыншылары биылғы маусымда қанша табыс табатыны белгілі болды, деп Sportinside.kz тілшісі "Дядя Ваня" Telegram арнасына сілтеме жасап хабарлайды.

Майк Веккионе (АҚШ) – $470,8 мың
32 жастағы шабуылшы өткен маусымда "Вашингтон" клубының фарм-командасында ойнап, 68 матчта 39 (19+20) ұпай жинаған.

Райлли Уолш (Канада) – $458,4 мың
АХЛ-де 317 матч өткізіп, 168 (42+126) ұпай жинаған. 2017 жылы "Нью-Джерси Девилс" клубымен драфттан өткен, НХЛ-де 1 ойынға қатысқан.

Иан Маккошен (АҚШ) – $371,7 мың
НХЛ-де 60 матч, АХЛ-де 244 матч өткізген. 2024/25 маусымында КХЛ-дің "Куньлунь" клубында 61 ойында 15 (4+11) ұпай жинаған.

Оливье Родриге (Канада) – $371,7 мың
2020 жылы жастар арасындағы әлем чемпионы. Өткен маусымда НХЛ-де "Эдмонтон" сапында 2 ойынға шыққан. АХЛ-де 41 матч өткізіп, 19 жеңіске жеткен.

Тайс Томпсон (Канада) – $371,7 мың
НХЛ-де 11 ойынға, АХЛ-де 225 матчқа қатысқан. Өткен маусымда 65 ойында 21 (8+13) ұпай еншілеген.

Эмиль Галимов (Ресей) – $297,3 мың
Омбының "Авангардында" өнер көрсеткен. 16 ойында 8 (4+4) ұпай жинаған.

Джейк Масси (Канада) – жалақысы белгісіз
АХЛ-де 152 матч өткізіп, 31 (10+21) ұпай жинаған.

Мэйсон Морелли (АҚШ) – жалақысы белгісіз
АХЛ-де 322 матч өткізген. Өткен маусымда 48 ойында 19 (13+6) ұпайға ие болды.

Айта кетейік, "Барыс" құрамындағы ең жоғары жалақы алатын ойыншылар легионерлер емес. Бұл көрсеткіш бойынша қазақстандық қақпашы Никита Бояркин мен ресейлік шабуылшы Иван Николишин көш бастап тұр – екеуінің де жалақысы $495,6 мың.