УЕФА Чемпиондар лигасы: "Қайрат" – "Селтик" матчын қайдан көруге болады?

Бүгін, 26 тамызда Алматыда УЕФА Чемпиондар лигасының плей-офф кезеңіндегі жауапты кездесу өтеді, деп хабарлайды Sportinside.kz.

Бұл ойында "Қайрат" шотландиялық "Селтикке" қарсы алаңға шығады. Жауапты матчтың тікелей көрсетілімі сағат 21:45-те (Астана уақытымен) басталады. Ойынды "Qazsport" арнасынан тамашалауға болады.

Естеріңізге сала кетейік, алғашқы матч Шотландияның Глазго қаласында өтіп, "Қайрат" пен "Селтик" жеңімпазды анықтай алмады – 0:0.

Алматылық клуб іріктеу кезеңінде бірқатар қарсыластарынан басым түсті:

• Словенияның «Олимпиясын» (қос матчтың қорытындысы – 3:1);
• Финляндияның КуПС командасын (3:2);
• Словакияның «Слованын» (1:1, пенальти – 4:3).

Айта кетейік, егер "Қайрат" "Селтиктен" басым түссе, алғаш рет тарихында Чемпиондар лигасының жалпы кезеңінде өнер көрсетеді. Ал жеңіліс тапқан жағдайда Еуропа лигасының жалпы кезеңіне жолдама алады.