Өзбектен қалдық, Қытайдан оздық: Шахматшыларымыз әлемдік додада үздік нәтиже көрсетті

Колумбияның Барранкилья қаласында 16 жасқа дейінгі ойыншыларға арналған (2009 жылы туғандар және одан кіші) жасөспірімдер шахмат олимпиадасы өтті, деп хабарлайды Sportinside.kz.

Қазақстан атынан қатысқан Қазақстан-2 құрамасы қола жүлдені жеңіп алды. Команданы гроссмейстер Александр Моисеенко жаттықтырды. Құрам:

• FM Артём Богданов (рейтинг 2368);
• FM Алдияр Жауынбай (2195);
• CM Данис Куандықұлы (2156);
• WIM Зарина Нұрғалиева (2152).

Шешуші тоғызыншы турда Қазақстан-2 құрамасы Колумбия-1 командасын 2½–1½ есебімен жеңді.

Артём Богданов – Андрес Сантьяго Гарсон Камеломен тең ойнады (½–½). Данис Қуандықұлы Сантьяго Лопес Районы жеңді (1–0). Зарина Нұрғалиева да Лопес Районы ұтты (1–0).

Бұл жеңіс қазақстандықтарға 14 командалық ұпай, EMGSB (Cut-1) бойынша 260 балл және 25½ жеке ұпай әкеліп, үшінші орынға шығарды.

Жалпы Қазақстан олимпиадаға екі команда шығарды.

Қазақстан-1 құрамасы (жаттықтырушы – гроссмейстер Борис Грачёв):

• IM Сауат Нұрғалиев (2225);
• FM Марк Смирнов (2265);
• FM Алан Петухов (2310);
• WIM Елназ Қалиахмет (2266).

Қазақстан-1 тоғызыншы орынға тұрақтап, 12 командалық ұпай, 266,5 EMGSB және 26½ жеке ұпай жинады.

Жеке сында қазақстандықтар тағы екі медаль алды. Алан Петухов үшінші тақтада күміс жүлдегер атанып, турнирдің бесінші нәтижесін (2374 перформанс) көрсетті.

Командалардың қорытынды нәтижесі:

1. FIDE-1 – 18 ұпай, 339 EMGSB, 30½ жеке ұпай
2. Өзбекстан – 14, 287, 27
3. Қазақстан-2 – 14, 260, 25½
4. Қытай – 14, 232, 24
5. Үндістан – 13, 240,5, 24
6. FIDE-2 – 13, 224,5, 22½
7. Куба-2 – 13, 203, 21½
8. Мексика – 13, 175, 20½
9. Қазақстан-1 – 12, 266,5, 26½

Турнирге 41 елден 85 команда қатысты. Колумбия 30 команда, Перу – бес, Венесуэла мен Чили үш-үштен команда шығарды.

Айта кетейік, екі жыл бұрын Нидерландтың Эйндховен қаласында өткен жарыста Қазақстанның үздік командасы төртінші орын алып, Қытай, Түркия және Грекиядан кейін орналасқан еді.