Өзбектер бар, ал Қазақстаннан ешкім жоқ: Бокс тарихындағы үздік боксшылар анықталды

World Boxing ұйымы бокс тарихындағы үздік боксшылардың тізімін шығарды, деп хабарлайды Sportinside.kz.

Тізімге америкалық Мұхаммед Әли мен Кларесса Шилдс, кубалық Феликс Савон мен Теофило Стивенсон, украиналық боксшы Василий Ломаченко мен өзбекстандық Баходир Жалолов кірді.

Кейбір жанкүйерлер тізімде қазақстандық Геннадий Головкиннің жоқтығын атап өтті. Ол өзінің әуесқой мансабында 350 кездесу өткізіп, соның 345-інде жеңіске жеткен. Сондай-ақ, 2004 жылы GGG Олимпиадада күміс медаль иегері атанған.

Олимпиададағы жетістіктеріне келер болсақ:

• Үш дүркін чемпиондар: Феликс Савон (1992, 1996, 2000) және Теофило Стивенсон (1972, 1976, 1980);
• Екі дүркін чемпиондар: Василий Ломаченко (2008, 2012), Баходир Жалолов (2020, 2024) және Кларесса Шилдс (2012, 2016);
• Бір рет чемпион атанғандар: Мұхаммед Әли (1960).