"Кезіміз келіпті": Мақпал Жүнісова ел естімеген жаңалығын бөлісті

Қазақстанның Халық әртісі Мақпал Жүнісова ресми түрде зейнеткерлік жасқа жеткенін мәлімдеді.

Бұл қуанышты жаңалығын ол өзінің концертінде жария етті. Әншінің сөзінше, ол үшін бұл ерекше сәт – өнер жолындағы тың белестердің бірі.

"Демалысқа шығатын кезіміз келіпті. Зейнет жасына жеттік. Бұл менің зейнеткер ретіндегі бірінші концертім", – деді ол.

Көрермен алдында өнер көрсеткен Жүнісова өзіне көрсетілген жылдар бойғы ықылас пен қолдауға ризашылығын жеткізді. Сондай-ақ, зейнетке шығуы өнерден қол үзуді емес, керісінше жаңа тыныс пен жаңа кезеңнің басталғанын меңзеді.