Балуандарымыз әлем чемпионатын үздік нәтижемен аяқтап, тарихты жаңартты

Еркін күрестен Қазақстан ұлттық құрамасы жастар арасындағы әлем чемпионатындағы жорығын аяқтады, деп хабарлайды Sportinside.kz.

20 жасқа дейін балуандар арасындағы еркін күрестен Қазақстан ерлер құрамасы Самоковтегі әлем чемпионатын (17-24 тамыз, Болгария) аяқтады.

Жарыс нәтижесі келесідей:

• 57 кг – Нұрданат Айтанов – қола медаль жеңіп алды;
• 61 кг – Алан Оралбек – ширек финалда және жұбаныш бәсекесінде жеңілді;
• 65 кг – Ералы Жеңісов – ширек финалда жеңілді;
• 70 кг – Сұңқар Сейдахмет – ширек финалда жеңілді;
• 74 кг – Досжан Құлғайып – қола медаль жеңіп алды;
• 79 кг – Ержан Әбіл – ширек финалда жеңілді;
• 86 кг – Қасым-Жомарт Алин – 1/8 финалда жеңілді;
• 92 кг – Камиль Куруглиев – алтын медаль үшін белдесуде жеңілді;
• 97 кг – Самир Дурсунов – қола медаль жеңіп алды;
• 125 кг – Едіге Қасымбек –алтын медаль жеңіп алды.

Жалпы медаль есебі тек түнде анықталмақ, бірақ Қазақстанның 2025 жылғы чемпионаттағы нәтижесі 2024 жылмен салыстырғанда айтарлықтай жақсарғаны белгілі. Биыл ұлттық құрама 1 алтын, 1 күміс, 3 қола медаль еншілесе, ал өткен жылы 1 алтын, 1 қоланы қанжығасына байлаған.

Естеріңізге сала кетейік, 2024 жылғы әлем чемпионатында Ризабек Айтмұхан алтын еншілесе, Камиль Куруглиев қола медальді иеленді.