Шавкат Рахмоновтың бапкері файтердің келесі қарсыласының есімін атады

Қазақстандық жаттықтырушы Азиз Разиев UFC-дегі Шавкат Рахмоновтың болашақ қарсыластарының ішінен ең қызықты жауынгерін атады, деп Sportinside.kz тілшісі Meta-ratings.kz сайтына сілтеме жасап хабарлайды.

"Иэн Гэрримен жекпе-жек Шавкатқа қажет емес, оны ол бір рет жеңген. Камару Усман – ардагер әрі бұрынғы чемпион, онымен тек жақсы гонорар үшін ғана жұдырықтасуға болады. Эдвардс екі рет қатарынан жеңіліп, қазір қызықсыз болып қалды. Белал – қызықты нұсқа, олардың арасында өзіндік тарих бар, бірақ Шавкат оны оңай жеңеді. Мұның бәрі Шавкат Рахмоновтың дайындығына байланысты. Ең жақсы қарсылас – Шон Брэди. Қатарынан төрт жеңіс сериясында келе жатқан мықты файтер. Шавкат Рахмонов та әлі жеңілмеген. Бұл титулдық айқастың алдында жақсы әрі дауысты жекпе-жек болар еді", – деп сенімді түрде айтты Азиз Разиев.

Қазіргі уақытта қазақстандық спортшы Шавкат Рахмонов UFC-дің жартылай орта салмақ дәрежесі рейтингінде үшінші орында тұр.

Айта кетейік, Азиз Разиев бұған дейін UFC жұлдыздары Шавкат Рахмонов пен Асу Алмабаев өнер көрсететін "Dar Team" командасының бас бапкері болған.