"ПСЖ" – "Тоттенхэм": УЕФА Суперкубогы иегері пенальти сериясында анықталды

УЕФА Суперкубогы үшін таласта франциялық "ПСЖ" мен ағылшындық "Тоттенхэм" командалары кездесу өткізді, деп хабарлайды Sportinside.kz.

Бұл ойын Удине қаласындағы "Дачия Арена" стадионында өтті. Чемпиондар лигасының жеңімпазы – франциялық "ПСЖ" клубы мен Еуропа лигасының иегері – лондондық "Тоттенхэм" командасы құрлықтық титулды сарапқа салды.

"Тоттенхэм" 39-минутта Микки ван де Вен соққан голдың арқасында есеп ашты. 48-минутта Кристиан Ромероның дәл соққысынан кейін ағылшындық клуб өз басымдығын еселей түсті.

Алайда "ПСЖ" 85-минутта Ли Кан Иннің арқасында есеп айырмасын қысқартса, ал 90+4-минутта Гонсалу Рамуш есепті теңестіріп, ойынды пенальти сериясына жеткізді.

Пенальти сериясында Луис Энрике шәкірттері мықтырақ болып, 3:2 есебімен жеңіске жетті. Осылайша, ПСЖ өз коллекциясына тағы бір халықаралық трофей – УЕФА Суперкубогын қосты.