Екі дүркін Олимпиада чемпионы Арман 13-ші рет әлем рекордын жаңартты

Атақты швециялық жеңіл атлет Арман Дюплантис ерлер арасындағы сырықпен секіруде кезекті рет әлем рекордын жаңартты, деп хабарлайды Sportinside.kz.

Тарихи жетістік 25 жастағы спортшыға Будапештте өткен континенталдық турдың кезеңі – Иштван Дьюлаи мемориалында бағынды.

Дюплантис 6,11 метр биіктікті еңсеріп, жеңіске жетті. Кейін ол көрсеткішін 6,29 метрге көтеруді сұрады – бұл оның жеке әлем рекордын бір сантиметрге жақсартқан көрсеткіш еді.

Алғашқы әрекеті сәтсіз болса да, екінші секіруінде швециялық спортшы биіктікті бағындырды. Бұл –Иштван Дьюлаи мемориалы тарихындағы алғашқы әлем рекорды болды.

Дюплантис ашық стадиондағы әлем рекордын 13-ші рет жаңартып отыр. Соңғы рет ол 15 маусымда рекорд орнатқан болатын.

Швециялық спортшы – екі дүркін Олимпиада чемпионы (Токио-2020, Париж-2024), сондай-ақ бес дүркін әлем чемпионы (соның ішінде үшеуі – жабық залда).