"Көтермесең, дым да жоқ": Алмас Өтешов ел естімеген әңгімесін айтып, жан сырын ақтарды

Танымал зілтемірші Алмас Өтешов өз мансабындағы ерекше сәтті еске алып, желі оқырмандарымен бөлісті, деп хабарлайды Sportinside.kz.

Алмас Өтешов 2013 жылы Вроцлавта өткен әлем чемпионатын еске алып, бұл туралы Instagram желісіндегі ресми парақшасында жазды.

"Осыны көтерсең, Қазақстанның еңбек сіңірген спортшы деген атақты аласың. Ал көтермесең, дым да жоқ деген сәт қой. 2013 жыл, Польша, 222 кг", – деп жазды Алмас Өтешов.

Айта кетейік, Алмас Өтешов 2013 жылы Врацловта өткен әлем чемпионатында күміс медаль еншіледі. Сондай-ақ ол 2014 жылы Инчхонда өткен Азия біріншілігінде күміс медальді қанжығасына байлады.

Сондай-ақ әлем чемпионатының күміс жүлдегері Алмас Өтешов жаңа темір тұлпар иесі атанғанын жазған едік. Бұдан кейін ол жас күнін еске алып, жантебірентерлік жазба жариялады.