Қажымұқан жеңіліп көрмеген өзбек жауынгерін сұлатып түсірді (ВИДЕО)

Алматыда өткен Octagon 76 аралас жекпе-жек турнирінде қазақ файтері Қажымұқан Еркін (2-0) мен өзбек Амир Кадамов (2-0) кездесті, деп хабарлайды Sportinside.kz.

Жекпе-жек жеңіл салмақта өтті және үш раундқа жоспарланған болатын. Алайда кездесу бірінші раундта-ақ. Қажымұқан Еркін қарсыласына қарсы тұншықтыру әдісін сәтті қолданып, мерзімінен бұрын жеңіске жетті.

Осылайша, Қажымұқан Еркін кәсіби ММА-дегі үшінші жеңісіне қол жеткізді, ал Амир Кадамов алғаш рет жеңіліс тапты.

Айта кетейік, бүгінгі Octagon 76 турнирінің басты жекпе-жегінде қазақстандық Георгий Кичигин (32-11) мен бразилиялық Педро Фариас (10-8) октагонға шығады.