Футбол
Бокс
MMA
Хоккей
Теннис
Күрес
Спорт
фото: Carmen Mandato/Getty Images. Суретте: Хабиб Нурмагомедов
UFC-дің аңызға айналған бұрынғы жекпе-жек шебері Тони Фергюсон MMA Crazy YouTube арнасына берген сұқбатында Хабиб Нурмагомедовпен Ақ үйде жекпе-жек өткізгісі келетінін айтты, деп хабарлайды Sportinside.kz.
Естеріңізге сала кетейік, екі жұлдыздың кездесуі бұған дейін бірнеше рет жоспарланғанымен, түрлі себептермен өтпей қалған.
4 шілдеде АҚШ президенті Дональд Трамп Ақ үй аумағында UFC турнирін өткізуді жоспарлап отырғанын мәлімдеді. Бұл шара 2026 жылы АҚШ-тың 250 жылдық мерейтойына арналған іс-шаралар сериясының бастамасы болмақ.
Бұл ерекше идея ММА жанкүйерлерінің қызығушылығын тудырды.
Осыған орай, журналистер Тони Фергюсоннан осындай бірегей турнирде кіммен жекпе-жекке шығуды армандайтынын сұрады.
"Мен Ақ үйде Хабибпен төбелесер едім. Тіпті, мүмкін ол да мұны қалар. Оның әкесі біз екеуміздің жекпе-жегіміз – міндетті түрде өтуі керек жекпе-жек деп айтқан еді", – деді бұрынғы уақытша чемпион Тони Фергюсон.
