Елена Рыбакина ұлттық құрамаға қатысты маңызды шешім қабылдады

Теннистен Қазақстанның әйелдер құрамасының Билли Джин Кинг Кубогына қатысатын құрамы белгілі болды, деп Sportinside.kz тілшісі Қазақстан теннис федерациясының баспасөз қызметіне сілтеме жасап хабарлайды.

Турнирдің финалдық кезеңі 16-21 қыркүйек аралығында Қытайдың Шэньчжэнь қаласында өтеді. Қазақстан құрамасы ширек финалда АҚШ командасымен кездеседі.

Еліміздің намысын мына теннисшілер қорғайды:

• Әлемнің 12-ракеткасы – Елена Рыбакина
• 43-орындағы – Юлия Путинцева
• Жұптық сында әлемнің 10-ракеткасы – Анна Данилина
• 269-орындағы – Зарина Дияс
• 292-орындағы – Жібек Құламбаева
• Құраманың капитаны – Юрий Щукин

АҚШ құрамасы атынан өнер көрсететін ойыншылар:

• Әлемнің 4-ракеткасы – Джессика Пегула
• 8-орындағы – Мэдисон Киз
• 11-орындағы – Эмма Наварро
• Жұптық сында әлемнің 2-ракеткасы – Тейлор Таунсенд
• 50-орындағы – Хейли Баптист
• АҚШ құрамасының капитаны – Линдси Дэвенпорт

Қазақстан мен АҚШ арасындағы матч 18 қыркүйекте өтеді.

Айта кетейік, Қазақстанның әйелдер құрамасы Билли Джин Кинг Кубогының финалдық кезеңіне өз тарихында үшінші рет қатыспақ.