Балуан қазақ қызы әлемдік рейтингте кіл мықтыны артқа тастап, көш бастады (фото)

Қазақстандық балуан Жәмила Бақбергенова әйелдер күресі бойынша Біріккен күрес әлемі (UWW) ұйымының жаңартылған рейтингінде өз салмағында (72 кг) бірінші орынды сақтап қалды. Бұл – оның халықаралық аренадағы тұрақты табысының тағы бір дәлелі.

Әлемдік рейтингте – №1

Сәуір айында Бақбергенова UWW рейтингінде жапондық Ами Ишиді басып озып, көш бастаған болатын. Бұл көрсеткішке ол Иорданияда өткен Азия чемпионатында төртінші мәрте жеңіске жетіп, 10 000 рейтинг ұпайын жинау арқылы қол жеткізді.

Жаңартылған тізімде:

• 🥇 1-орын – Жәмила Бақбергенова (Қазақстан)
• 🥈 2-орын – Ами Иши (Жапония)
• 🥉 3-орын – Болортунгалаг Зоригт (Моңғолия)

Жетістіктері

• 🌍 Әлем чемпионатының 4 күміс және 1 қола жүлдегері
• 🌏 Азия чемпионатының 4 дүркін жеңімпазы
• 🥈 Азия ойындарының күміс медаль иегері