Танымал тележүргізуші Гүлмира Дайрабаеваның ұлы, блогер Артур отау тігіп, ел назарын аударды.
Алматының қақ ортасында өткен салтанатты тойға отандық шоу-бизнес өкілдері мен танымал блогерлер жиналды. Кеш қонақтары әлеуметтік желіде жылы лебіздерін білдіріп, фото-видеолармен бөлісіп жатыр.
Салтанатты шарада Роза Рымбаева, Тамара Асар, Сәкен Майғазиев, Айгүл Қосанова сынды елге танымал өнер иелері бой көрсетті.
«Келін құтты болсын», – деп жазды әнші Айгүл Қосанова.
Ал Тамара Асар тойды жоғары бағалап, ұйымдастыру мен безендірілуінің ерекше екенін атап өтті.