Хоккей – әлемдегі ең танымал, қарқыны жоғары, жанкүйері көп спорт түрлерінің бірі. Шайбаның сырғанап, клюшканың мұзда өнер көрсетуі тек ойын ғана емес, нағыз шеберлік пен батылдықтың көрінісі. Бұл мақалада хоккейдің шығу тарихы, қызықты фактілері мен дамуы туралы мәліметтермен таныс боласыз.
1. Хоккей сөзінің шығу тегі
«Хоккей» сөзі ескі француз тіліндегі «hoquet» – «ілмек тәрізді бақташы таяғы» деген мағынаны білдіреді. Бұл құрал заманауи клюшканың алғашқы бейнесіне ұқсас.
2. Хоккейдің ежелгі прототипі – майя ойыны
Кейбір деректерге сүйенсек, хоккейге ұқсас ойындар сонау майя өркениетінде кездеседі. Ол кезде клюшка орнына ағаш таяқ, шайба орнына жанған ағаш шар, мұз орнына тас алаң, қақпа орнына метр биіктіктегі ілулі шеңбер, ал коньки орнына жалаң аяқ қолданылған.
3. Алғашқы клюшкалар мен шайбалар
- Алғашқы клюшка ағаштан жасалған. Алғашында клен немесе тал, кейінірек қайың мен емен қолданылған.
- 1980 жылдары алюминий клюшка пайда болды, бірақ кең таралмады.
- 1990 жылдары құрамдастырылған клюшкалар шықты: сабы алюминий, басы ағаш.
- Қазіргі композиттік клюшкалар 1990 жылдардың соңында қолданыла бастады, салмағы – шамамен 400 грамм. Шайбаға 200 км/сағ дейін жылдамдық береді.
4. Хоккейдің сурет өнеріндегі көрінісі
1608 жылы нидерланд суретшісі Хендрик Аверкамптың «Мұзды қала» атты картинасында хоккейге ұқсас ойын көрініс тапқан.
5. Заманауи хоккейдің отаны – Канада
- Хоккей ережелері алғаш рет 1877 жылы Монреальдағы Макгилл университетінің студенттерімен жазылды.
- Резеңке шайба 1879 жылы канадалық У. Робертсонның ұсынысымен енгізілді.
- 1886 жылы ресми ережелер канадалық Р. Смитпен жарияланды.
- Алғашқы кәсіби команда 1904 жылы Канадада құрылды.
- Маска тек 1929 жылы пайда болды.
- Буллит (жекелей шабуыл) алғаш 1934 жылы қолданылды.
6. Мұз ареналары мен еуропалық тәжірибе
Еуропадағы ойындар 1903 жылға дейін табиғи мұзда өткізілсе, алғашқы жасанды мұз алаңы Лондонда салынды.
7. Хоккей мен атақты тұлғалар
Атақты қақпашы Лев Яшин футболдан ғана емес, хоккейден де Кубок жеңіп алған. Бұл оның жан-жақты спортшы екенін дәлелдейді.
8. Халықаралық хоккей және NHL
- Ұлттық хоккей лигасы (NHL) 1917 жылы құрылған.
- Қазіргі таңда ол әлемдегі ең ірі әрі беделді хоккей ұйымы саналады.
9. Әйелдер хоккейінің дамуы
- 1990 жылы әйелдер арасындағы алғашқы әлем чемпионаты өтті.
- 1998 жылы әйелдер хоккейі Олимпиада бағдарламасына енгізілді.
- Бүгінде бұл спорт түрі нәзік жандылар арасында да қарқынды дамып келеді.
Хоккей – ғасырлар бойы дамып, адамзаттың сүйікті спорт түріне айналған ойын. Ол – батылдықтың, командалық рухтың, шеберліктің және адреналиннің символы. Егер сіз шайбалы спортты сүйсеңіз немесе қызығушылығыңыз енді оянса – осы қызықты деректер хоккейге деген қызығушылығыңызды арттыра түседі.