2025 жылдың 30 маусымында SMARTNEWS.KZ және Stan.kz порталы таратқан мәліметке сәйкес, Әл-Фараби атындағы Қазақ ұлттық университетінің бірқатар студенті белгілі айтыскер Айбек Қалиевтің қызы Махаббат Қалиеваны алдау жолымен несие алдырды деп айыптауда. Олардың айтуынша, Қалиева бастапқыда бірлескен бизнес бастаймыз деп сендіріп, студенттерден ақша алып, кейбірінің атына миллиондап несие рәсімдеткен.
Студенттердің айыптауы
Елдияр есімді студенттің айтуынша, Махаббат Қалиева Қытайдан көлік тасымалдау жобасын ұсынған. «500 мың теңге берсең, үстінен 500 мың қосып қайтарамын» деген уәде берген ол, кейін уәдесінен тайқып, «заң бойынша ештеңе міндетті емеспін» деп жауап қатқан. Студенттер жалпы сомасы 7 миллион теңгеге жуық қарызға батқандарын айтады. Қалиеваның бұл қаражатты күйеуіне беріп, ол Қытайға өтіп кеткені туралы да ақпарат айтылды. Сондай-ақ күйеуінің құмар ойынға тәуелді екені де айтылды.
Махаббат Қалиеваның жауабы
Махаббат Қалиева бұл айыптауларды ішінара мойындап, елден кешірім сұраудың орнына жауапкершілікті теріске шығарды. Оның айтуынша, «Елдиярдан ақша алғаны рас, бірақ ешкімді мәжбүрлеген жоқ. Ақшаны өз еркімен берді. Қазіргі таңда қарыздың көп бөлігін қайтардым, тек 148 мың теңге қалды» деді.
Сондай-ақ ол бұл істің әкесі Айбек Қалиевке қатысы жоғын баса айтып:
«Бұл менің жеке ісім. Әкемнің атына кір келтірмеңіздер. Олар менің әкем арқылы хайп жасағысы келеді», – деді.