Азамат Нұрбекұлы Дәулетбеков – еркін күресте Қазақстанның намысын абыроймен қорғап жүрген әлемге танымал балуан. Ол – Азия чемпионатының үш дүркін жеңімпазы, әлем чемпионатының екі дүркін қола жүлдегері және Қазақстанның алты дүркін чемпионы.
Балалық шағы мен алғашқы жетістіктері
Азамат 1994 жылы 15 наурызда Семей қаласында дүниеге келген. Жастайынан спортқа, соның ішінде күреске деген ынтасы ерекше болып, еркін күрестегі шеберлігімен көзге түсті. 2015 жылы Қазақстан Президенті Кубогының иегері атануы оның үлкен спорттағы жолының бастамасы болды.
Азияда мойындатқан мықты
- 2017 жылы Нью-Делиде өткен Азия чемпионатында күміс медаль иеленсе,
- 2018 жылы Бішкекте өткен бәсекеде қола жүлдені еншіледі.
- 2022 жылы Улан-Баторда Азия чемпионы атанды.
- 2023 жылы Астанада өткен чемпионатта ирандық Алиреза Каримиді финалда жеңіп, екінші алтын медалін иеленді.
- 2024 жылы Бішкекте үшінші рет Азияның абсолют чемпионы атанып, тарихи нәтижеге қол жеткізді.
- 2025 жылы Амманда 92 келіге дейінгі салмақта қола жеңіп, салмақ ауыстырғанмен де өз мықтылығын дәлелдеді.
Әлемдік деңгейдегі көрсеткіштері
Азаматтың есімі тек Азиямен шектелмейді. Ол екі бірдей әлем чемпионатында қола жүлде еншіледі:
- 2022 жылы Белградтағы Әлем чемпионатында 86 келі салмақта тұғырдан көрінді;
- 2023 жылы сол қалада өткен әлемдік додада тағы да қола медальды иеленіп, өз салмағында үздіктер қатарынан түспейтін балуан екенін дәлелдеді.
- Қазақстан чемпионы – 6 рет
- Азамат Дәулетбеков ел біріншілігінде де үнемі көш бастап келеді:
- 2015, 2016, 2017, 2020, 2021 және 2023 жылдары Қазақстан чемпионы атанған.
Жеке мағлұматтары
- Туған жері: Семей, Қазақстан
- Салмақ дәрежесі: 86 кг / кейін 92 кг
- Биіктігі: 178 см
- Күрес стилі: Еркін күрес
- Жетістігі: Азияның үш дүркін чемпионы, әлемнің екі дүркін жүлдегері