Танымал блогер Фариза Төреәлі күйеуі, спортшы Дархан Нортаевтан ерекше әрі қымбат сыйлық алды. Бұл туралы Sportinside.kz тілшісі Stan.kz сайтына сілтеме жасап хабарлайды.
Күйеуінің тосыннан жасаған бұл сыйы – Cartier брендіне тиесілі қымбат сағат. Бағасы – шамамен 10 миллион теңге.
«Сені жақсы көргенім үшін сыйлағым келді»
Дархан Нортаев жарына жиі сыйлық жасап үлгермегенін мойындап, бұл жолы ерекше қуантуға бел буғанын айтты:
«Фариды қуантпағаныма біраз болыпты. Осылайша кішігірім сыйлықпен қуантқым келіп тұр. Бұйырса, ұнатып қалар. Сені жақсы көргенім үшін, өмірімде барың үшін рахмет», – деді ол желіге жариялаған видеосында.
Фаризаның жүрекжарды жазбасы
Фариза Төреәлі де бұл сәтті тек сыйлық емес, жан жылуы ретінде қабылдап, әйел адамның нәзіктігі мен бағасын жеткізетін жазба қалдырды:
«Әйелге мейірім – еркектің мықтылығын, әйелді түсіну – оның парасатын көрсетеді. Әйел – аманат. Ол әлсіз емес, нәзік. Оған сөзбен де, үнмен де, көзқараспен де жұмсақтық керек. Әйеліңе қалай қарайсың – Құдай саған солай қарайды», – деп жазды ол.
Желіде қызу талқы
Фаризаның бұл жазбасы мен қымбат сыйлығы әлеуметтік желі қолданушылары арасында қызу пікірталас тудырды:
«Кішігірім сыйлық Cartier болса, керемет емес пе?!»
«10 миллион теңге тұратын сағатты сыйлай салды»
«Біз жақта бұл ақшаға бір бөлмелі үй алуға болады»
«Дархан әйелді қуанту курсын ашсын»
«Арасын суытпай, жиі қуантып тұру керек екен»